High Alert itinaas sa ilang regional office ng DSWD

Itinaas ang high alert sa mga Regional office ng Department of Social Welfare and Development (DSWD) na apektado ng Tropical Depression Dodong.

Inatasan ni DSWD Secretary Rex Gatchalian ang mga regional directors na tiyakin ang kahandaan sa pagresponde sa mga maaapektuhang pamilya.

Partikular na iniutos ni Gatchalian ang pag-activate sa Disaster Response and Management Division-Quick Reaction Teams at ang pakikipag-ugnayan sa local Disaster Risk Reduction and Management Council.

Pinatitiyak din ni Gatchalian sa Disaster Response and Management Group (DRMG), na may sapat na family food packs (FFPs) na nakahandang ipadala sa mga regional office. (DDC)