35 estudyante sa Caloocan na nagtapos ng may “highest honors” tumanggap ng cash incentives mula sa LGU
Nagkaloob ng cash incentives si Caloocan City Mayor Dale Gonzalo “Along” Malapitan sa 35 estudyante sa lungsod na nagtapos ng mayroong “highest honors”.
Tig-P10,000 cash ang tinanggap ng mga mag-aaral na pawang nagtapos sa elementarya at high school.
Ang nasabing programa ay sinimulan ngayong taon lamang ng LGU na layong mabigyan ng reward ang mga estudyante sa kanilang ipinakitang performance at mahikayat ang iba pa na magsikap sa pag-aaral.
Tulong din ito ayon sa alkalde para sa mga gastusin ng mga estudyante sa paparating na school year. (DDC)
