DMW Mobile App, digital na ‘OFW Pass’ ilulunsad ng DMW

Nakatakdang ilunsad ng Department of Migrant Workers (DMW) ang OFW Pass bilang bahagi ng modernization program ng ahensya.

Ayon kay Migrant Workers Secretary Susan Ople, ang digital na OFW Pass ay digital alternative para sa Overseas Employment Certificate (OEC).

Sumasailalim na din aniya ngayon sa testing ang DMW mobile app sa pangunguna ng Department of Information and Communications Technology (DICT).

Sa Kapihan sa Manila Bay Forum, sinabi ni Ople na napagpasyahan ang pagkakaroon ng OFW Pass base na rin sa suhestyon ng mga Overseas Filipino Workers (OFWs) upang mas maging madali ang pagkakaroon ng OEC.

Ang OFW Pass at DMW Mobile App ay gagawing libre para sa lahat ng OFW users. (DDC)