Tatlong establisyimento sa Makati City, ipinasara dahil sa kawalan ng Mayor’s permit
Ipinasara ang tatlong establisyimento sa Makati City bunsod ng pag-ooperate ng mga ito kahit walang karampatang mayor’s permit.
Sinilbihan ng closure order ng mga inspektor mula sa Makati Business Permits and Licensing Office (BPLO) ang tatlong establisyimento.
Kabilang dito ang closed Natures Thai Spa sa San Antonio, Happy Garden Massage sa Olympia, at Happy Lele Shopping, Inc. sa Pio del Pilar.
Tiniyak ng Makati City LGU na patuloy ang pagtukoy sa mga establisyimento sa lungsod na nag-ooperate ng kanilang negosyo ng walang karampatang mga dokumento. (DDC)
