Indian crew ng isang Singaporean Vessel inilikas ng Coast Guard matapos magtamo ng sugat habang naglalayag

Nagsagawa ng medical evacuation ang mga tauhan ng Philippine Coast Guard (PCG) sa isang Indian na crew ng isang Singaporean Vessel sa karagatan na sakop ng Virac, Catanduanes.

Nasugatan sa kaniyang daliri na nagresulta sa matinding pagdurugo ang nasabing dayuhan na crew ng MV FOMENTO TWO.

Ang barko ay umalis sa Baoshan Port sa China at patungo sana ng Port Hedland sa Australia.

Pagdating sa Virac Port ay mabilis na nadala ang crew sa Catanduanes Doctors Hospital kung saan sasailalim sa operasyon ang dayuhan. (DDC)