Domestic Flights ng PAL mananatili sa NAIA Terminal 2

Mananatili sa Terminal 2 ng Ninoy Aquino International Airport (NAIA) ang domestic flights ng Philippine Airlines.

Ayon sa abiso ng PAL, simula sa Hulyo 17, gagamitin ng PAL ang both wings ng Manila Terminal 2.

Ang departures (check-in) at arrivals (baggage claim) areas para sa PAL domestic flights ay sa South Wing ng NAIA Terminal 2 para sa sumusunod na mga flights:

(mula at patungo sa)
– Antique
– Basco
– Busuanga (Coron)
– Calbayog
– Catarman
– Siargao

Sa North Wing naman ng NAIA Terminal 2 para sa iba pang PAL domestic destinations.

Ipinaalala naman ng PAL na lahat ng international flights nito ay umaalis at dumadating na sa NAIA Terminal 1.

Paalala ng PAL sa mga pasahero, ugaliing i-check ang terminal assignment ng flight bago magtungo sa paliparan.

Patuloy din ang pagbiyahe ng shuttle buses ng PAL sa pagitan ng NAIA Terminals 1 at 2 para sa mga pasaherong mayroong connecting flights.

Ayon sa PAL, bahagi pa din ito ng terminal rationalization program na ipinatutupad ng
Manila International Airport Authority (MIAA). (DDC)