Kontrata sa ad agency na nasa likod ng ‘Love the Philippines’ campaign tinapos na ng DOT
Tinapos na ng Department of Tourism (DOT) ang kontrada nito sa advertising firm na nasa likod ng bagong tourism campaign na ‘Love the Philippines’.
Kasunod ito ng pag-amin ng kumpanyang DDB Philippines na gumamit ito ng stock footages para sa binuong video sa kampanya.
Ayon sa DOT, malinaw na nilabag ng DDB ang nilagdaang tourism branding campaign contract.
Ipinaliwanag naman ng DOT na walang nagamit napublic funds sa paglikha ng nasabing kontrobersiyal na video.
Una ng humingi ng paumanhin ang DDB at inako ang responsibilidad sa usapin. (DDC)
