Baril at mga bala nakumpiska sa Search Warrant Operation sa Bohol
Nakumpiska ng mga otoridad ang baril at mga bala sa bahay ng isang suspek sa ikinasang Search Warrant Operation ng Dauis Municipal Police Station sa Purok 2, Brgy. Biking II, Dauis, Bohol.
Kinilala ni Police Lieutenant Thomas Zen B. Cheung, chief of police ng Daius PNP ang suspek na si alyas “Jinky” na nakatakas at patuloy pa rin na pinaghahanap ng mga otoridad.
Ayon kay Cheung, sa pagpapatupad ng search warrant laban sa suspek natuklasan at nakumpiska ng mga operatiba ang isang (1) unit ng caliber .38 revolver, tatlong piraso (3) na live ammunition at isang (1) belt bag color black.
Ang search warrant ay inisyu ni Judge Josephus Baterna, Executive Judge ng RTC Branch 49 para sa kasong paglabag sa RA 10591 o Comprehensive Firearms and Ammunition Regulation Act. (DDC)
