Kai Sotto dumating na sa Florida para sa 2023 NBA Summer League
Dumating na sa Orlando, Florida si Kai Sotto para sa 2023 NBA Summer League.
Ibinahagi ni Sotto ang larawan ng pagdating sa paliparan sa kaniyang Instagram story.
Si Sotto ay napili para lumahok sa Orlando Magic para sa preseason tournament na magsisimula sa July 7.
Una nang inilabas ng Orlando Magic ang listahan ng kanilang 2023 NBA Summer League roster kasama si Sotto.
Sa schedule na inilabas ng NBA, sa July 8 ay makakalaban ng Orlando ang Detroit Pistons. (DDC)
