Pamamahagi ng 2nd wave ng family food packs sa Albay inihahanda na ng DSWD
Inihahanda na ng Department of Social Welfare and Development (DSWD) – Region 5 ang second wave ng family food packs na ipamamahagi sa mga pamilya sa Albay.
Kabuuang 26,825 food packs ang nakatakdang ipamahagi sa mga nasa evacuation centers na apektado ng pag-aalburuto ng bulkang Mayon.
Isasagawa ang pamimigay ng second wave ng food packs mula July 2 hanggang 17.
Maaari ding mag-request ng karagdagang food packs para sa mga apektadong pamilya na wala sa evacuation centers. (DDC)
