Las Piñas LGU nagpaabot ng tulong sa mga nasunugan sa Brgy. Talon Uno
Agad nagpaabot ng tulong ang Pamahalaang Lokal ng Las Piñas katuwang ang City Social Welfare and Development Office (CSDWO) sa mga nasunugan sa Barangay Talon Uno sa lungsod.
Ayon sa lokal na pamahalaan ay naapektuhan sa nangyaring sunog ang mga commercial spaces at nawalan ng tirahan ang 22 na pamilya katumbas ng 65 na indibiduwal na nangangailangan ng tulong.
Mabilis na nag-organisa ang CSWDO ng relief operation upang ipamahagi ang mga pangunahing pangangailangan ng mga apektadong pamilya.
Kabilang sa mga ipinagkaloob sa mga nasunugan ay mga sleeping kits, kitchen kits, hygiene kits, food packs at mga damit bilang agarang tulong sa kanilang kasalukuyang sitwasyon.
Tumulong din sa operasyon ang mga local volunteers, community leaders, at opisyales ng barangay upang siguruhing maayos ang proseso at matanggap ng mga biktima ang kaukulang tulong. (Bhelle Gamboa)
