15 sugatan sa pagsabog sa isang restaurant sa Calapan City

Nasugatan ang labinglimang katao sa pagsabog na naganap sa isang restaurant sa Calapan City, Oriental Mindoro.

Ayon kay Police Regional Office – Mimaropa chief Brig. Gen. Joel Doria, nangyari ang pagsabog pasado alas 10:00 ng umaga sa loob ng isang Korean Restaurant sa Xentro Mall sa Brgy. Lumangbayan sa nasabing lungsod.

Kabilang sa nasugatan ang apat na staff ng restaurant, isang delivery man at sampung iba pa.

Labingdalawang sasakyan din ang nadamay sa pagsabog at nagtamo ng pinsala.

Nadamay din sa pagsabog ang dalawang katabi pang establisyimento.

Hinihinalang gas leak ang sanhi ng pagsabog.

Nakikipag-ugnayan na ang PNP sa Bureau of Fire Protection (BFP) para maimbestigahan ang nangyari. (DDC)