Madonna naospital dahil sa “serious bacterial infection”
Made-delay ang tour ng singer na si Madonna matapos itong ma-ospital dahil sa “serious bacterial infection”.
Ayon sa manager ng pop star na si Guy Oseary, kinailangang manatili ng ilang araw ni Madonna sa ICU.
Unti-unti naman nang bumubuti ang kalagayan ng singer.
Dahil sa nangyari, kailangang ipagpaliban ang lahat ng kaniyang commitments kasama na ang tour.
Iaanunsyo na lamang ng kampo ng pop star ang bagong start date para sa tour at iba pang shows.
Nakatakda sanang umpisahan sa July 15 ang “The Celebration Tour” ni Madonna sa Canada.
Bahagi ng tour ang pagdaraos ng show sa North America at Europe. (DDC)
