Habagat muling umiral sa malaking bahagi ng bansa

Apektado ng Habagat ang Central at Southern Luzon at ang buong Visayas.

Sa weather forecast ng PAGASA ngayong araw ng Huwebes, June 29, makararanas ng kalat-kalat na pag-ulan sa Metro Manila, Central Luzon, CALABARZON, MIMAROPA, at Pangasinan dahil sa Habagat.

Habagat at localized thunderstorms naman ang magdudulot ng bahagyang maulap hanggang sa maulap na papawirin sa nalalabi pang bahagi ng bansa.

Wala namang binabantayang sama ng panahon ang PAGASA sa loob ng Philippine Area of Responsibility (PAR). (DDC)