DOTr, LTO tiniyak na nasunod ang proseso sa pagpili ng kumpanyang magsu-suplay ng cards para sa driver’s license

Tiniyak ng Department of Transportation (DOTr) at Land Transportation Office (LTO) na sinunod ang proseso sa pagpili ng kumpanyang magsu-suplay ng ng card para sa driver’s license.

Ayon sa pahayag ng DOTr, isinagawa ito alinsunod sa Republic Act 9184 o Procurement Law.

Sinabi ni DOTr Undersecretary for Administration and Finance Kim De Leon kabilang din sa tinignan ang kakayahan ng bidding participants sa aspetong pinansyal at pagtugon sa mga kinakailangang kondisyon ng kontrata.

Ayon kay De Leon, walang pinaburan sa ginawang bidding.

Ang kumpanyang Banner Plasticard Inc. ang nakakuha ng kontrata para sa pagsu-suplay ng plastic card na gagamitin sa driver’s license.

Napirmahan na ang kontrata at naisyuhan na ang kumpanya ng notice to proceed para sa delivery ng isang milyong driver’s license plastic cards sa loob ng dalawang buwan. (DDC)