PSC binati ang mga atletang lumahok sa 2023 Asian Artistic Gymnastics Championships
Binati ng Philippine Sports Commission (PSC) ang mga atletang bahagi ng National Gymnasts na lumahok sa katatapos na 2023 Asian Artistic Gymnastics Championships sa Singapore.
Humakot ng medalya ang Philippine team sa nasabing event.
Kabilang dito si Carlos Edriel Yulo na nag-uwi ng 3 gintong medalya para sa Men’s Parallel Bars, Men’s Vault at Men’s Floor Exercise; 1 silver medal para sa Individual All-Around at 1 bronze medal para sa Men’s Horizontal Bar.
Nag-uwi din ng silver medal si Emma Lauren Malabuyo para sa Women’s Floor Exercise.
Habang 2 bronze medal ang nakuha ni Aleah Finnegan para sa Women’s Balance Beam at Women’s Vault.
Si Karl Eldrew Yulo naman ay nag-uwi ng silver medal para sa Junior Men’s Vault.
Nagpasalamat ang PSC sa mga atleta sa kanilang husay at pagbibigay ng karangalan sa Pilipinas. (DDC)
