LRT at MRT may libreng sakay sa para sa mga seafarer sa June 25

Magkakaloob ng Libreng Sakay ang LRT-2 at MRT-3 para sa mga Filipino Seafarer sa June 25.

Ito ay bilang paggunita sa Day of the Filipino Seafarer.

Ang Libreng Sakay sa LRT-2 ay mula 7:00 hanggang 9:00 ng umaga at 5:00 ng hapon hanggang 7:00 ng gabi sa June 25.

Habang sa MRT-3 naman, libreng makasasakay ang mga seafarer sa nasabing petsa mula 5:30 ng umaga hanggang sa matapos ang operasyon nito.

Para maka-avail ng Libreng Sakay, kailangan lamang ipakita ang Seafarer’s Record Book o kaya naman ay ang Seafarer’s Identity Document.

Samantala inanunsyo ng Maritime Industry Authority (MARINA) na sa June 25, tatanggap sila ng 100 aplikante na mayroong kumpirmadong online appointments para sa pagproseso at issuance ng Record Book at Identity Document sa MARINA Central Office Building. (DDC)