2 babae arestado sa buy-bust operation sa Dumaguete City

Inaresto ang dalawang babaeng suspek sa drug-bust operation ng kapulisan.

Nakuhanan ang mga suspek ng mahigit sa P400,000 halaga ng shabu sa Maisan, Brgy. Camanjac, Dumaguete City, Negros Oriental.

Kinilala ni Police Lieutenant Colonel Alvin A Futalan, Officer-In-Charge ng Negros Oriental Police Provincial Office (NOPPO) ang mga naaresto na sina alyas ‘Dona’, 34 at alyas ‘Lycil’, 24 na mga pawang residente ng bayan ng Sibulan.

Sa report ng pulisya, nabatid na ikinasa mga operatiba ng Dumaguete City Police Station, Negros Oriental Provincial Drug Enforcement Unit at iba pang otoridad ang operasyon.

Nakumpiska sa mga suspek ang tinatayang nasa 60 gramo ng hinihinalang shabu, isang unit ng cellphone at ang buy-bust money.

Mahaharap ang mga naaresto sa mga kaukulang reklamo kaugnay sa iligal na droga. (DDC)