Barko tinupok ng apoy sa Panglao, Bohol

Tinupok ng apoy ang isang passenger-cargo vessel, na MV ESPERANZA STAR sa Panglao, Bohol.

Galing ng Port of Lazi, Siquijor ang barko at patungo ng Port of Tagbilaran sa Bohol lulan ang 120 na pasahero at crew ng mangyari ang insidente umaga ng Linggo, June 18.

Tumulong ang BRP Cape San Agustin (MRRV-4408) ng Philippine Coast Guard (PCG) sa pag-apula ng sunog sa nasabing barko.

Base sa inisyal na imbestigasyon, nasa 120 katao na kinabibilangan ng mga crew at mga pasahero ang lulan ng barko nang maganap ang insidente.

Patuloy pa ang imbestigasyon ng PCG at iba pang otoridad sa nangyaring sunog. (DDC)