Facebook page ng Komisyon sa Wikang Filipino napasok ng hackers
Napasok ng hackers ang Facebook page ng Komisyon sa Wikang Filipino.
Sa inilabas na pahayag ng KWF, nabiktima ng cyber attack ang kanilang Facebook page.
Sa story ng FB page ay makikitang nag-post ng larawan ng babae ang hacker.
Ayon sa KWF, ipinaabot na nito sa Department of Information and Communications and Technology (DICT) ang insidente.
Hanggang hapon ng Biyernes (June 16) ay hindi pa nababawi ng KWF ang account nito. (DDC)
