P350K na halaga ng shabu nakumpiska sa dalawang suspek sa Cebu City
Arestado ang dalawang lalaking suspek sa drug-bust operation ng Police Station 7, Cebu City Police Office sa Brgy. Inayawan, Cebu City.
Kinilala ang mga naaresto na si ‘Francis’, 28, at ‘Joson’, 26, kapwa residente ng Sitio Alumnos, Brgy. Basak San Nicolas at kabilang sa drug watchlist sa lungsod.
Nakumpiska sa kanila ang halos P350,000 na halaga ng shabu.
Inaresto ang mga suspek matapos magbenta ng ilegal na droga sa nagpanggap na buyer.
Parehong nahaharap sa reklamong paglabag sa Sec. 5 at 11, Art. II ng RA 9165 ang mga naaresto. (DDC)
