Mga atletang Pinoy binati ni Pangulong Marcos sa tagumpay sa katatapos na 2023 ASEAN Para Games
Binati ni Pangulong Ferdinand Marcos Jr. ang mga atleta ng Pilipinas na lumahok sa 2023 ASEAN Para Games na ginanap sa Cambodia.
Humakot ng 34 na gintong medalya, 33 na silver medals, at 50 bronze medals ang pambato ng bansa sa APG.
Ayon sa pangulo, ipinakita ng mga atleta ang kanilang galing at husay at pinatunayang hindi hadlang ang kapansanan sa pag-abot ng mga pangarap.
“Dala ninyo ay hindi lamang karangalan para sa Pilipinas kundi mas malalim na pagkakaisa sa pagitan ng mga bansa sa rehiyon,” ayon sa pangulo. (DDC)
