Mahigit 11,000 na trabaho sa ibang bansa alok ng DMW sa Independence Day Mega Jobs Fair
Dumagsa ang mga naghahanap ng trabaho sa idinaos na Independence Day Mega Jobs Fair ng Department of Migrant Workers (DMW), June 12, Araw ng Kalayaan.
Ang jobs fair ay idinaos sa tanggapan ng DMW sa Blas Ople Bldg., EDSA corner Ortigas Avenue, Mandaluyong City.
Ayon sa DMW, umabot sa 11,750 na overseas job ang inialok mula sa 30 recruitment at 6 na manning agencies.
Umaga ng Lunes umabot na sa 1,800 na aplikante ang dumagsa sa jobs fair.
Ang mga alok na trabaho ay patungo sa Middle East, Europe, North America, at Asia. (DDC)
