Humanitarian Caravan ng Philippine Red Cross dumating na sa Albay
Dumating na sa Albay ang humanitarian caravan ng Philippine Red Cross (PRC).
Target ng Red Cross na maasistihan ang mahigit 10,000 pamilya na apektado ng pag-aalburuto ng bulkang Mayon.
Ayon sa PRC, dala ng caravan ang apat na water tankers na mayroong limang water bladders, dalawang filtration units, tap stands, apat na food trucks, dalawang Travis multi-purpose vans na mayroong mga health supplies at goggles.
Mayroon ding tatlong truck na may dalang 2,500 sleeping at hygiene kits, at isang 6×6 truck na may 2,500 jerry cans na galing sa Red Cross warehouse sa Metro Manila, Subic, at Batangas Chapter. (DDC)
