Pilipinas mayroon ng 28 gintong medalya sa ginaganap na ASEAN Para Games
Humakot na ng 28 gintong medalya ang Pilipinas sa ginaganap na 12th ASEAN Para Games sa Cambodia.
Ang pang-28 gold medal ay nasungkit ni Andrei Kuizon, makaraang magwagi sa Men’s Javelin Throw F53/54 category.
Dahil dito, isang gintong medalya na lamang ang kailangan ng Pilipinas para ma-break ang rekord nito sa naiuwing gintong medalya noong 11th APG na ginanap sa Indonesia.
Samantala, nagkamit naman ng silver medal si Maekel Lita sa Men’s Discus Throw F56.
Silver medal din ang nakuha ni Arvie John Arreglado sa Long Jump T47 men’s division. (DDC)
