DPWH magsasagawa ng road repairs sa ilang lansangan ng Metro Manila

Magsasagawa ang Department of Public Works and Highway (DPWH) ng rotomilling at asphalt overlaying activities sa ilang pangunahing kalsada sa Metro Manila.

Ayon sa inilabas na traffic advisory ng Metropolitan Manila Development Authority (MMDA) kinukumpuni ng DPWH ang E. Rodriguez Jr. Ave. Northbound magmula sa harapan ng Eastwood Intersection hanggang sa panulukan ng Police Station 12.

Matatapos ito ng 5:00 ng umaga ng Hunyo 12.

Sasailalim din sa pagsasaayos ang Maginhawa St. mula sa Malingap St. patungong Matiwasay St. (1st lane to 4th lane) simula June 9 ng 11:00 ng gabi hanggang Hunyo 16 ng 5:00 ng umaga.

Gayundin ang Aurora Blvd. (Eastbound) mula sa Anonas St., hanggang J.P. Rizal St., na na matatapos sa June 16 ng 5:00 ng umaga.

Habang ang Aurora Blvd. (Eastbound) mula sa Broadway Ave., hanggang Gilmore Ave. ay kukumpunihin mula 11:00 ng gabi ng June 12 hanggang 5:00 ng umaga ng Hunyo 18.

Pinapayuhan ang mga motorista na dumaan sa mga alternatibong ruta. (Bhelle Gamboa)