Paalala ng MMDA, EDSA Bus carousel lane para lang sa pampublikong bus, ambulansya at government vehicles
Pinaalalahanan ng Metropolitan Manila Development Authority (MMDA) ang mga motorcycle rider at motorista na huwag dumaan sa EDSA Bus Carousel lane.
Ayon sa MMDA ang EDSA Bus Carousel lane ay nakalaan lamang para sa mga pampublikong bus, ambulansya, at sasakyan ng gobyerno na tutugon sa emergency.
Hindi pinapayagan ang iba pang sasakyan na dumaan sa naturang lane.
Babala ng ahensiya ang lahat ng hindi awtorisadong sasakyan na daraan dito ay huhulihin at titiketan.
Para sa mga nagmomotor, maaaring mairekomendang ipasuspinde ang inyong lisensya o mai-report sa motorcycle taxi ride-hailing services na inyong pinagtatrabahuhan.
“Tandaan: Stay on your lane and drive safely! Ito ay para na rin sa inyong kaligtasan at para maging maayos ang daloy ng trapiko sa kahabaan ng EDSA,” paalala pa ng MMDA. (Bhelle Gamboa)
