DOH binati ang kanilang bagong kalihim

Binati ng Department of Health (DOH) si Dr. Teodoro Herbosa na itinalaga ni Pangulong Ferdinand Marcos Jr. bilang kalihim ng kagawaran.

Si Herbosa ay nagbabalik sa kagawaran dahil dati na itong naging undersecretary ng DOH.

Ayon sa pahayag, noong taong 2010 hanggang 2015 bilang DOH undersecretary ay malaki ang naging papel ni Herbosa sa Hospital Accreditation Commission at sa modernisasyon ng Philippine Orthopedics Center.

Malaki din ang naging papel ni Herbosa sa promosyon ng Public-Private Partnerships. (DDC)