Pangulong Marcos nagpaabot ng pakikiramay sa pagpanaw ni Negros Oriental Gov. Guido Reyes
Ipinaabot ni Pangulong Ferdinand Marcos Jr. ang pakikiramay nito sa pagpanaw ni Negros Oriental Gov. Carlo Jorge Joan “Guido” Reyes.
Sa kaniyang mensahe, ipinarating ng pangulo ang pakikisimpatya sa mga pamilya, kaibigan at mga residente ng lalawigan.
Si Reyes, 62-anyos ay pumanaw halos 3 buwan matapos itong pumalit sa iniwang puwesto ng pinaslang na gobernador na si Roel Degamo.
Nabatid na bago pa maupo bilang gobernador ay mayroon ng problema sa kalusugan si Reyes.
Sa pagpanaw ni Reyes ay nanumpa sa puwesto bilang gobernador ng lalawigan ang kaalyado ni suspended Negros Oriental Congressman Arnie Teves na si Chaco Sagabarria. (DDC)
