Magkasintahan arestado sa buy-bust operation sa Bohol

Kapwa naaresto ang magkasintahan sa lalawigan na Bohol sa ikinasang anti-drug operation na ng mga operatiba ng Tagbilaran City Police Station.

Kinilala ni Police Lieutenant Colonel Homobuno Sayon, Chief of Police ang mga nadakip na sina ‘Ryan’, 39, ng Baclayon, Bohol at ‘Mylin’, 18, residente naman ng Catigbian.

Ang operasyon ay ikinasa ng mga tauhan ng City Drug Enforcement Team ng Tagbilaran sa Purok Banat-e Road., Brgy. Bool.

Mabilis naman na nadakip ang mga suspek matapos makatransaksyon at mapagbentahan ng droga ang nagpanggap na buyer.

Narekober mula sa mga naaresto ang hinihinalang shabu na 15 gramo at may standard drug price value na P102,000, isang unit ng Samsung Keypad Cellphone; isang gray pouch; isang unit ng Suzuki Raider 150 motorcycle, at ang buy-bust money.

Kapwa nahaharap ang mga naaresto sa reklamong paglabag sa Art. II ng RA 9165. (DDC)