P3.4M na halaga ng shabu nakumpiska sa isang suspek sa Cebu City

Naaresto ng mga otoridad ang isang lalaking suspek sa ikinasang operasyon kontra ilegal na droga sa Brgy. Ermita, Cebu City.

Ang operasyon ay ikinasa ng mga tauhan ng Regional Police Drug Enforcement Unit (RPDEU) at PDEA Region 7.

Kinilala ang naarestong suspek na si Christian Dela Peña.

Nakumpiska sa kaniya ang 505 na gramo ng hinihinalang shabu na aabot sa P3.4 million ang halaga, buy-bust money, belt bag, at cellular phone.

Mahaharap ang suspek sa kasong paglabag sa Sections 5 at 11, Article II ng RA 9165. (DDC)