Maria Ressa pinayagan ng Korte Suprema na bumiyahe sa labas ng bansa mula June 4 – 29

Pinayagan ng Korte Suprema ang journalist na si Maria Ressa na makabiyahe sa labas ng bansa mula June 4 hanggang June 29 ngayong taon para dumalo sa ilang speaking engagements.

Sa resolusyon ng Supreme Court First Division, inaprubahan ang pitong Motion for Permission to Travel Abroad ni Ressa.

Naglatag naman ng kondisyon ang SC sa pagpayag nitong makalabas ng bansa si Ressa.

Inatasan si Ressa na sundin ang sub judice rule at iwasan ang pagbibigay ng anumang komento sa publiko kaugnay sa kaniyang kaso.

Pinaglalagak din si Ressa ng cash bond na P100,000.

Si Ressa ay bibiyahe patungong Italy, Singapore, United States at Taiwan. (DDC)