38 pasahero ng sumadsad na barko sa Siargao, nailigtas ng Coast Guard

Nailigtas ng mga tauhan ng Philippine Coast Guard (PCG) ang 38 mga pasahero ng isang barko na sumadsad sa bahagi ng Siargao Island.

Rumesponde ang mga tauhan ng PCG Sub-Station Dapa para asistihan ang mga pasahero ng M/V Riena Xaviera.

Ayon sa PCG, sumadsad ang barko sa karagatang sakop ng Dapa, Siargao Island sa Surigao Del Norte.

Ayon sa kapitan ng barko, nagkaproblema ang makina ng barko habang papalapit ito sa Port of Dapa.

At dahil sa malakas na hangin ay sumadsad ang barko.

Ligtas naman ang lahat ng 38 pasahero. (DDC)