Biyahe ng ferry mula Cebu City patungong Calbayog at pabalik, suspendido
Pansamantalang suspendido ang biyahe ng Seacat One ng Grand Ferries mula Cebu City patungong Calbayog ng alas-2:00 ng hapon ng Sabado, May 27 at patungong Cebu City ng alas-8:00 ng gabi ng May 28.
Ayon sa shipping line ito ay dahil sa preventive maintenance na gagawin sa nasabing barko at preparasyon sa paparating na Super Typhoon Mawar.
Pinapayuhan ng Philippine Ports Authority (PPA) ang lahat ng apektadong pasahero na makipag-ugnayan sa concerned shipping lines para sa karagdagang detalye. (DDC)
