Libreng pahayagan ng gobyerno inilunsad ng PCO

Inilunsad ng Presidential Communications Office – Bureau of Communications Services ang The Philippine Gazette na isang libreng pahayagan.

Ayon sa PCO, ang nasabing pahayagan ang magsisilbing tulay upang maiparating sa mga Pilipino ang mga impormasyon kaugnay sa mga programa at proyekto ng administrasyon ni Pangulong Ferdinand R. Marcos Jr.

Ang kopya ng pahayagan ay maaaring makuha sa mga piling istasyon ng LRT-2 partikular sa Recto, Cubao, at Santolan.

Makakakuha din nito sa PNR (Tutuban) at maging sa Manila North Harbor Terminal at Victory Liner Terminal sa Pasay. (DDC)