‘Queen of rock n’ roll’ na si Tina Turner pumanaw sa edad na 83

Pumanaw na ang singer at tinaguriang ‘Queen of rock n’ roll’ na si Tina Turner.

Ang 83 anyos na singer ay pumanaw sa kaniyang tahanan sa Switzerland.

Ayon sa kaniyang kinatawan, matagal nang may iniindang sakit ang singer.

Ilan lamang sa mga hindi malilimutang awitin ni Turner ang What’s Love Got to Do with It” at “(Simply) The Best.”

Nagpaabot ng pakikiramay sa mga naulila ni Turner ang mga kasama niya sa industriya.

Sa Twitter tinawag ni Mariah Carey si Turner bilang “legendary, iconic, diva, at superstar”.

Magpapatuloy aniya na maging inspirasyon sa Turner sa mga kababaihan saanmang panig ng mundo. (DDC)