Sunog sa Manila Central Post Office inabot ng mahigit 30-oras bago naideklarang fire out
Naideklara ng fire out ang sunog sa Manila Central Post Office.
6:33 ng umaga ng Martes (May 23) nang ideklara ng Bureau of Fire Protection na fire out na ang sunog sa nasabing pasilidad.
Inabot ng mahigit 30-oras ang pag-apula sa apoy.
Ayon din sa update mula sa BFP, nakapagtala ng 15 katao na nasugatan sa sunog na karamihan ay mga bumbero.
May ilang nagtamo ng sugat at ang iba ay first-degree burns.
Sa datos ng BFP, aabot sa P300 million ang halaga ng mga nasunog na ari-arian. (DDC)
