Nasugatan sa banggaan ng fast craft at cargo vessel sa Cebu umakyat na sa 25 ayon sa PCG
Umakyat na sa 25 ang bilang ng mga nasugatan sa banggaan ng dalawang barko sa Cebu.
Ayon kay Rear Admiral Armand Balilo ng Philippine Coast Guard (PCG) nagsasagawa na ng imbestigasyon ang PCG sa nangyari.
Kabilang sa aalamin ay kung nasunod ba ang traffic separation scheme.
Tinitingnan din ng PCG ang seaworthiness makaraang mabatid na noong nakaraang linggo ay nagkaproblema na din ang MV St. Jhudiel sa hydraulics.
Ani Balilo, sinubukan pa ng LCT Poseidon 23 na umiwas pero nakabanggaan pa rin ang dalawang sasakyang pandagat. (DDC)
