SBP binati ang PH Basketball Team sa tagumpay sa SEA Games

Binati ng Samahang Basketbol ng Pilipinas ang Philippine Basketball Team sa magandang performance na ipinakita sa 32nd Southeast Asian Games na ginaganap sa Cambodia.

Sa kaniyang pahayag, binati ni SBP President Al Panlilio ang Gilas Pilipinas Men and Women sa pagkakapanalo ng ginto at silver medal para sa 5-on-5 at dalawang silver medals para sa 3×3 basketball.

Sinabi ni Panlilio na pinakamalakas na motivation ay ang paglaban para sa bansa.

Ang Gilas Pilipinas Men ang kampeon sa men’s 5×5 basketball sa SEA Games matapos talunin ang Cambodia sa score na 80-69.

Ayon sa SBP, bagaman substandard ang kondisyon ng ginamit na court sa SEA Games at sa kabila ng matinding init ng panahon ay naitawid ng team ang laban.

Silver medal naman ang naiuwi ng Gilas Women. (DDC)