Rex Gatchalian kumpirmado na ng CA bilang DSWD secretary

Nakumpirma na ng Commission on Appointment (CA) bilang kalihim ng Department of Social Welfare and Development (DSWD) si dating Valenzuela City Mayor Rex Gatchalian.

Sa kaniyang pagharap sa makapangyarihang CA, tiniyak ni Gatchalian na isasakatuparan ang marching orders ni Pangulon Ferdinand Marcos Jr. na kamtin ang pagkakaroon ng “single digit poverty rate”.

Ilan lamang sa flagship programs na nais pang pag-ibayuhin ni Gatchalian ay ang Pantawid Pamilyang Pilipino Program (4Ps), Sustainable Livelihood Program (SLP) at ang Kapitbisig Laban sa Kahirapan-Comprehensive and Integrated Delivery of Social Services (Kalahi-CIDSS).

Kabilang sa mga sumuporta sa appointment ni Gatchalian sina Senators Grace Poe, JV Ejercito, Bong Go at Alan Peter Cayetano.

Si Gatchalian ay itinalaga ni Marcos sa puwesto matapos na ilang ulit ma-bypass ng CA ang kumpirmasyon ni Erwin Tulfo. (DDC)