38 pang OFWs galing Sudan, nakauwi na ng bansa

Dumating sa bansa ang 38 pang Pinoy na inilikas galing Sudan.

Lumapag ang flight SV870 sa NAIA Terminal 1 galing sa Jeddah, Saudi Arabia lulan ang mga OFWs.

Sinalubong sila ni OWWA Administrator Arnell Ignacio.

Pinagkalooban sila ng pangunahing assistance na makatutulong sa kanila para makauwi sa kanilang probinsya tulad ng food assistance at transportation assistance.

Bukod dito, sila ay binigyan din ng financial assistance mula sa DMW-OWWA. (DDC)