Miss Universe 2022 R’Bonney Gabriel binista ang hometown ng kaniyang ama sa Malate, Maynila

Bumisita si reigning Miss Universe 2022 R’Bonney Gabriel sa hometown ng kaniyang Pinoy na ama sa Malate, Maynila.

Mainit ang naging pagsalubong kay R’Bonney at sa kaniyang ama at ina nang dumating sila sa Barangay 743 sa Malate.

Sa kaniyang Instagram, sinabi ni R’Bonney namahagi sila ng pagkain at school supplies para sa mga bata sa lugar.

Bagaman sa Estados Unidos na lumaki ay nakakabisita noon sa Maynila si R’Bonney.

Inalala ng Fil-Am beauty queen na kapag nasa Pilipinas siya ay bumibili siya ng pandesal sa umaga, nakakapaglaro sa tubig-baha, at nakakapanood ng mga parada kapag fiesta.

Ang ama ni R’Bonney ay nagtungo sa Washington sa edad na 25 at doon na nakapag-asawa. (DDC)