P136K na halaga ng shabu nakumpiska sa isang suspek sa Mandaue City, Cebu
Arestado ang 44-anyos na lalaking suspek sa ikinasang buy-bust operation ng mga tuahan ng Mandaue City Police Office sa Brgy. Mantuyong, Mandaue City, Cebu.
Kinilala ni Police Colonel Jeffrey T Caballes, City Director, ang naarestong suspek na si alyas ‘Raffy’, tubong Brgy. Labangon, Cebu City.
Nakumpiska mula sa pag-iingat ng suspek ang tinatayang 20 gramo ng hinihinalang shabu na may Standard Drug Price na P136,000; isang sling bag; at ang ginamit na buy-bust money.
Mahaharap ang suspek sa kasong paglabag sa Sec. 5 at 11, Article 2 ng RA 9165 o Comprehensive Dangerous Drugs Act of 2002. (DDC)
