Publiko pinag-iingat sa mga nag-aalok ng PhilHealth Loan
Nilinaw ng PhilHealth na hindi kasama sa serbisyo nito ang pag-aalok ng loan sa publiko.
Pahayag ito ng PhilHealth matapos matuklasan ang isang website na nagsasabing nagpapautang ang PhilHealth.
Ayon sa ahensya, hindi ito nag-aalok ng loan para sa medical conditions at surgical procedures.
Ang PhilHealth ay health insurance na nagkakaloob ng benepisyo para sa pagpapaospital.
Kasama dito ang ilang outpatient procedures at maging ang primary care services sa ilalim ng PhilHealth Konsulta.
Ang benepisyo ay agarang magagamit sa libu-libong PhilHealth-accredited facilities sa bansa.
Paalala ng PhilHealth sa publiko, para maging tiyak sa impormasyon ay bisitahin lamang ang PhilHealth website at sundan ang mga opisyal na social media accounts ng ahensya. (DDC)
