De Lima kumpiyansang mababasura din ang natitirang kaso laban sa kaniya

Kumpiyansa si dating Senador Leila de Lima na mababasura ang nalalabi pang isang kasong kinakaharap niya na may kaugnayan sa ilegal na droga.

Dalawang drug cases na ni De Lima ang nabasura na ng korte.

Sinabi ni De Lima na wala siyang duda na mapapawalan sala siya sa lahat ng kaso na aniya ay “gawa-gawa lamang ng dating Administratyong Duterte” laban sa kaniya.

Ayon kay De Lima na nalalapit niya ang kaniyang paglaya matapos ang mahigit 6 na taong pagkakakulong.

“That’s already 2 cases down, and 1 more to go. I am of course happy that with this 2nd acquittal in the 3 cases filed against me, my release from more than six years of persecution draws nearer. I am extremely grateful to all those who stood by and prayed for me all these years,” ayon sa dating senador.

Nagpasalamat si De Lima sa lahat ng sumama sa kaniyang laban at sa mga nagdasal para sa kaniya.

Nakalulungkot lang aniya na sa tagal ng kaniyang pagkakakulong ay marami na siyang kaanak at kaibigan na hindi na niya makikitang muli. (DDC)