De Lima pinawalang sala sa kinakaharap na 2nd drug case
Pinawalang sala ng korte sa Muntinlupa City si dating Senador Leila de Lima para sa ikalawang drug case nito.
Ayon kay Atty. Filibon Tacardon, abogado ni De Lima, “aquitted” ang dating senadora sa promulgation na isinagawa ng Muntinlupa Regional Trial Court Branch 204.
Sa pagbasura ng kaso, binigyang-bigat ng korte ang pagbawi ni dating BuCor OIC Rafael Ragos sa mga naging testimonya niya noon laban kay De Lima.
Sa kabila nito, hindi pa makalalaya si De Lima dahil nakabinbin pa ang kaniyang bail plea sa Branch 256 na humahawak sa isa pa niyang drug case. (DDC)
