Early Registration para sa SY 2023-2024 inumpisahan na ng DepEd
Inumpisahan na ng Department of Education (DepEd) ang early registration para sa School Year 2023-2024.
Simula noong May 10 hanggang sa June 9, 2023 ay maaari nang iparehistro ang mga incoming na Kindergarten, Grades 1, 7, at 11.
Ang early registration ay para bigyang pagkakataon ang Kagawaran na makagawa ng kinakailangang mga preparasyon at pagsasaayos ng mga plano para sa darating na school year.
Ang mga incoming na Grades 2 hanggang 6, 8 hanggang 10, at 12 mula sa mga pampublikong paaralan ay ikinokonsidera na pre-registered at hindi na kinakailangang sumali sa early registration.
Hinikayat din ng DepEd ang mga pribadong paaralan na magsagawa ng kani-kanilang aktibidad para sa early registration na kapareho sa itinakdang panahon.
Sa isasagawang early registration, hinihikayat ang face-to-face na transaksyon sa mga paaralan, ngunit maaari pa ring ipagpatuloy ang iba pang paraan para sa koleksyon ng registration forms. (DDC)
