Solo documentaries nina SUGA at J-Hope ng BTS mapapanood sa sinehan sa susunod na buwan

Ipapalabas sa mga sinehan sa iba’t ibang panig ng mundo ang solo documentaries ng dalawang miyembro ng BTS na sina SUGA at J-Hope.

Bahagi ito ng selebrasyon ng 10th anniversary ng BTS.

Sa anusyo ng sa official Twitter account ng BTS, sa Hunyo ipalalabas sa mga sinehan ang “J-Hope in the Box” at “SUGA: Road to D-Day”.

Ang dalawang dokumentaryo ay una nang ipinalabas sa Disney Plus.

Tampok sa “J-Hope in the Box” ang paghahanda ni J-Hope sa kaniyang unang solo album na “Jack in the Box”, kasama ang kaniyang dance rehearsals at album launch party na dinaluhan ng mga kapwa niya miyembro ng BTS.

Habang tampok naman sa “SUGA: Road to D-DAY” ang preparasyon ni SUGA sa kaniyang solo album na “D-Day”.

Kasama din dito ang pagbiyahe niya sa ilang mga lugar. (DDC)