Bilang ng mga Pinoy galing Sudan na nakauwi sa bansa mahigit 400 na

Umabot na sa mahigit 400 ang mga Pinoy na nakabalik sa Pilipinas galing Sudan simula nang sumiklab ang kaguluhan doon.

Ayon sa Overseas Worker Welfare Administration (OWWA), sa mga susunod na araw ay mayroon pang mga pauwing Pinoy.

Araw ng Martes, May 9 tatlong flights ang dumating sa NAIA Terminal 1 na may lulang mga Pinoy galing Sudan.

Kabilang dito ang flight na galing Bahrain na lulan ang 10 Pinoy na kinabibilangan ng 6 na OFWs.

Dumating din ang flight galing Riyadh lulan naman ang 30 Pinoy na kinabibilangan ng mga estudyante at mga OFWs.

Habang ang isa pang flight ay galing naman ng Jeddah sakay ang 57 Pinoy. (DDC)