Pangulong Marcos dumalo sa pagbubukas ng 42nd ASEAN Summit sa Indonesia

Pormal na nagbukas araw ng Miyerkules, May 10 ang 42nd ASEAN Summit sa Labuan Bajo, Indonesia.

Kabilang si Pangulong Ferdinand R. Marcos Jr. sa mga lider ng ASEAN na dumalo sa nasabing pagtitipon.

Ang pagbubukas ng Summit ay idinaos sa Meruorah Komodo Convention Center sa Labuan Bajo.

Bilang chairperson ng ASEAN Summit ngayong taon, sinalubong ni President Joko Widodo ng Indonesia ang mga dumalo sa pulong kabilang si Pangulong Marcos.

Ang 42nd ASEAN Summit ay may temang ‘ASEAN Matters: Epicentrum of Growth.’.

Layunin nitong mapalakas pa ang pag-recover ng ekonomiya ng Southeast Asia at makamit ang pagiging world’s engine of sustainable growth. (DDC)